【南丫島】熱辣辣郊遊-12月

 


2016年12月13日

Plan左好耐話要去南丫島,終於的起心肝去啦!
之前好似去過,跟果D香港地質公園一天遊,今次自己搭船入去!
不過選錯日子,天氣好好,但無諗過12月咁熱囉。

行程:
中環 > 榕樹灣 >洪聖灣沙灘>向索罟灣觀景亭>南丫風采發電站(風車)



由香港站A出口出,往中環碼頭海濱長廊
 



行到四號碼頭,中環往榕樹方向
 



天氣真系好好,開船啦(約30分鐘)
 



落左船會見到南丫士多
 



一出就見到三支煙通
 



由碼頭出發行入榕樹灣大街,途經好多海鮮酒家
 



如果好似我咁第一次自己黎,應該會行錯路,
會一路直行行到去消防局,大家記得見到Shell GAS 轉左直行,
如果唔系就好似我咁行多左路啦!
 



沿路行入去會見到沙埔新村,一直行就岩啦
 



中午時間,食少少野充飢
 



煎釀豆腐,正!豆腐好滑唔會太燶
 



魚蛋不過不失,辣椒油少少辣,但可自行加泰式辣醬
感覺唔同左,可能我好鍾意泰式辣醬個味
 



魚肉翅唔錯,魚肉系鯪魚肉,唔同出面果D好多粉咁
不過希返D就好啦⋯⋯
 



食完野之後又繼續行,南丫島幾好,行到邊都有指示牌
大約知自己行到邊,點樣行!
 



人地話呢間系去南丫島必食嘅亞婆豆腐花
平時食凍豆腐花唔會好似呢間咁滑
同埋佢個糖水好似有少少唔同




由於岩岩食飽,所以叫一碗兩份食
 



終於行到黎洪聖灣沙灘
 



好曬呀
 




繼續向觀景亭出發
 



向山上行都不忘影吓相




如果唔系咁熱就好啦,不過D景好靚
 



就到啦~就到啦~
 




 



見到觀景亭,直出仲有個靚靚影相位
 



 



 



12月日落時間會早D,所以要回程去風車度
由洪聖灣沙灘行上風車大約需要20分鐘(慢行)
沿住洪聖灣沙灘向榕樹灣方向,見到十字路口轉右
會經過菠蘿山莊,有時間可以休息一下,有糖水食




見到呢個牌就差唔多到啦
 



原來一直叫風車風車,佢有名架
 



終於到啦,好攰
 



當然要影餐飽
 



由風車度落返山之後,就真系要去沙灘影日落




個蛋黃好靚啵,食左佢先
 



夕陽無限好,好耐都未試過靜靜睇日落



南丫島熱辣辣咁就過一日,又要回到繁忙都市⋯⋯


以上純粹個人感受及分享

YouTube Channel 

留言

這個網誌中的熱門文章

【深圳】遊~海岸城line cafe&東門

快閃【台北】搭香港航空夜機去夜機返

【首爾】誠信女子大學站-購物篇